Vedtekter for Vevring Grendelag.

1. Selskapsform

  Vevring Grendelag er ei foreining som ikkje registreringspliktig.

2. Føremål

Laget sitt føremål er å arbeide for:

1. Auke innbyggjartalet/tilflytting til bygdene til krinsen.
2. Sikre noverande arbeidsplassar.
3. Støtte og hjelpe til ved etablering av nye verksemder/arbeidsplassar.
4. Arbeide for å utvikle sosiale og kulturelle aktivitetar.
5. Drive offensivt informasjonsarbeid og marknadsføre bygdene.

3. Medlemsskap

Alle som ynskjer det, og er over 18 år kan vere medlemar og har rett til å møte på årsmøte.  Kontingent vert sendt ut til alle husstandar i krinsen.

4. Grendelaget sine organ

Årsmøte er grendelaget sitt høgste organ og årsmøte vel laget sitt styre.

5. Styret sine gjeremål

Styret skal leie grendelaget i samsvar med vedtektene og årsmøte sine vedtak.

6. Årsmøte

Årsmøte skal haldast kvart år innan utgangen av mars månad og skal kallast inn med 14 dagar varsel.

Saker som skal handsamast:

-    styret si årsmelding

-      godkjenning av rekneskap

-      fastsetting av kontingent
-      disponering av overskot/underskot
-    val av styre/revisor
-    val av styreleiar

7. Ekstraordinært årsmøte

Ekstraordinært årsmøte kan kallast inn med 8 dagars varsel når styret eller medlemmer som representerer minst 1/3 av stemmene krev det.

8. Styret

Laget sitt styre skal ha 5 medlemmer og 2 varamedlemmer. Varamedlemane  har møterett/talerett på styremøta.

Styremedlemane vert valt for 2 år om gongen. Styret sin leiar vert valt for 1 år om gongen.

Etter første år skal 2 av medlemane og 1 av varamedlemane gå ut etter loddtrekking.

9.      Valnemnd

Valnemnd skal ha 2 medlemar.  Valnemnda vert valt av årsmøte, for 2 år om gongen.

10.  Endring av vedtektene

Endring av vedtektene skal handsamast på årsmøte.

Forslag til endring av vedtektene må vere styret i hende innan 1. februar kvart år.

Endring av vedtekter krev tilslutting av 2/3 av dei frammøtte på årsmøte.

11.  Oppløysing

Forslag om oppløysing av laget må leggast fram som eiga sak på årsmøte.

For gyldig vedtak vert det kravd at 2/3 av dei frammøtte stemmer for.